කූඹියොත් එක්ක අතීතයට …

අවුරුද්දකින්වත් නොගිය බ්ලොග් එක පැත්තේ ආයෙමත් යන්න හිතුනෙත් කූඹියෝ බැලුවට පස්සේ. මම ලියන්න යන්නේ නම් කූඹියෝ තුලින් දෙන ප්‍රධාන පනිවිඩය ගැන නෙමේ.
ඒත් මේ ලියන්නේ, මගේ රටෙන් මම ආදරය කරන අයගෙන් සැතපුම් දහස් ගණනක් ඈතින් ඉන්න මට කූඹියෝ කතාවේ සමහර ජවනිකා මතක් කරල දුන්න අතීතය ගැනයි.

ප්‍රියන්ත සහ ජෙහාන්, ප්‍රියන්තගේ ගමේ ගිය ජවනිකාව මගේ ඇස් වලට කඳුලු ගෙනාවා.ගමට ගෙනියන්න කෑම බීම ගනිද්දි මල් තියෙන කේක් එක මට මතක් කලේ, ඉස්සර අපිව බලන්න අය ගේන මල් අයිසින් කේක්. අපි කන්න අකැමැති වුනත් හැමදාම ලැබුන ඒ දේවල් ගැන හිතද්දි කූම්ඹියෝ මට තේරුම් කරලා දුන්නේ එදා ඒ අයටත් ඒක ලොකු දෙයක් වෙන්න ඇති කියලා.
ප්‍රියන්තලා ගමේ ගියහම ලැබුන සැලකිලි කවදාවත්ම වෙනස් කරන්න බැරි බැදීම් මතක් කලා, ඉස්සර පාසල් නිවාඩු කාලෙට මමයි, මල්ලී එනවා කිවම දවස් ගානක් තිස්සේ මගේ අත්තම්මලා, නැන්දලා , මාමලා ලක ලෑස්ති වෙනවා . අපි ගියාම තුන් වේලම අපෙන් අහල අපි කන්න කැමතිම කෑම හදලා දුන්නේ හිතේ තිබුන උපරිම ආදරෙන් බව ආයෙමත් මතක් කරලා, ඒ අතීතයට අරන් ගියේ කූඹියෝ. ජීවිතේ අපි කඩඉම් පසු කරද්දි ඒ දෙවල් ගමටම හඬ නඟා කිවේ හිතේ තිබුන සතුට දොරේ ගලා ගියපු නිසා වෙන්න ඇති.

මිනිස්සු බාහිර පෙනුමෙන් අනිත් අය කොයි තරම් මැන්නත් හැමෝගෙම හිත් වල සියුමැලි කොනක් තියෙන බව කූඹියෝ හරි අපූරුවට කියනවා.

ලෝකේ කොහේ හිටියත් තමන්ගේ අයත් එක්ක තියෙන බැඳීම් කවදාවත් ඒ තැන් වලින් හොයාගන්න බැරි බව, අපේ පුන්චි රටේ ප්‍රශ්න කොයි තරම් තිබුනත් ආදරය පිරෙන්න ඉතිරෙන්න තියෙන බවයි මගේ නම් අදහස.

Advertisements
Categories: Uncategorized | Leave a comment

තුන් කල්

අතීතයේ අඳුරු සෙවනැලි
වර්තමානයේ සැරිසරන කල්
ජීවමාන අනාගතයක්
සිහිනයක්ම ද

අතීතයත් අදත් එක් කල
පෙකනි වැල කපන
නොකපන,
තීරනය ඔබේ

Categories: Uncategorized | Leave a comment

සුන්දර අසුන්දර..

ඇගේ හදවත සැබැවින්ම සුන්දරය
නමුදු ඇගේ වත නැත පැහැපත්
රූබර ලඳුනක සේ..
හදවතට නොව,
රුවට ආලය කරනා ලොවක
සොයගනීවි ද? ඇය සැබෑ ආලය…

Categories: Uncategorized | 1 Comment

Blog at WordPress.com.